Texnologiya

Süni intellektlə idarə olunan restoran açılır – "Yeməkləri Aİ hazırlayacaq"

11 İyul 2025 20:00

Baxış: 578

VTB-də yüksək depozit faizleri daha çox qazandırır

#TEXNOLOGİYA #SÜNİ İNTELLEKT #RESTORAN

Dubayda yaxın aylarda texnologiya və qastronomiyanın birləşdiyi unikal layihə həyata keçiriləcək. "WOOHOO" adlı yeni restoran sentyabr ayında şəhərin mərkəzində, Burj Xəlifənin yaxınlığında qapılarını qonaqların üzünə açacaq. Bu restoranı digərlərindən fərqləndirən əsas xüsusiyyət isə onun süni intellektlə - "Aşbaz Aiman" tərəfindən idarə olunmasıdır.

Milli.Az xəbər verir ki, "Aşbaz Aiman" - adı "AI" (Süni İntellekt) və "human" (insan) sözlərinin birləşməsindən yaranıb - geniş dil modeli əsasında qurulub və on minlərlə resept, qida elmi tədqiqatları, molekulyar tərkiblər və fərqli mətbəx ənənələri üzərində "təhsil alıb". O, yeməkləri struktur, turşuluq, şirinlik və umami kimi dad komponentlərinə ayıraraq qeyri-adi və innovativ reseptlər yaradır.

Hərçənd ki, Aiman yeməyin dadını, qoxusunu hiss edə bilməz, onun təklif etdiyi reseptlər məşhur insan aşpazlar - o cümlədən Dubayda tanınmış aşpaz Reif Othman tərəfindən dadılır, qiymətləndirilir və son mərhələdə təkmilləşdirilir. Yəni süni intellekt mətbəxə rəhbərlik edir, lakin finalda insan təcrübəsi və zövqü ilə tamamlanır.

Uzunmüddətli hədəf isə bu modelin beynəlxalq miqyasda tətbiq edilməsidir. Layihə komandası ümid edir ki, gələcəkdə Aiman-ın reseptləri dünya restoranlarında istifadə olunacaq və bu, həm kulinariya təcrübəsini zənginləşdirəcək, həm də ətraf mühitə töhfə verəcək.

Fidan
Milli.Az