Texnologiya

“iPhone 18” modellərində yaddaş inqilabı: “Apple” RAM həcmini artırır

25 Oktyabr 2025 17:25

Baxış: 3 293

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #APPLE

Texnologiya nəhəngi "Apple" növbəti "iPhone 18" seriyasında operativ yaddaş tutumunu əhəmiyyətli dərəcədə artırmağı planlaşdırır.

Milli.Az xəbər verir ki, "The Bell" nəşrinin məlumatına görə, şirkət yeni modellərdə RAM həcmini hazırkı versiyalarla müqayisədə təxminən 50% artıracaq.

Mənbənin yazdığına əsasən, indiki "iPhone 17" seriyasına daxil olan "iPhone Air", "iPhone 17 Pro" və "iPhone 17 Pro Max" modelləri sələflərindən 4 GB çox, yəni 12 GB operativ yaddaşla təchiz olunub. Bu dəyişiklik əsasən süni intellekt texnologiyalarının artan hesablama tələbləri ilə əlaqələndirilir.

Bununla belə, əsas "iPhone 17" modeli 8 GB RAM ilə təchiz olunan yeganə versiya olaraq qalır. "Apple" isə "iPhone 18" seriyası ilə bu fərqi aradan qaldırmaq və bütün modellərdə RAM tutumunu standartlaşdırmaq niyyətindədir.

Şirkət artıq "Samsung"dan yalnız 12 GB və 16 GB LPDDR5X yaddaş çiplərinin tədarükünü artırmağı xahiş edib. Eyni zamanda, "SK Hynix" və "Micron" kimi istehsalçılarla da mobil DRAM təchizatının genişləndirilməsi barədə danışıqlar aparılır.

Beləliklə, "Apple" süni intellekt imkanlarını genişləndirmək və yeni nəsil "iPhone"ları daha güclü hesablama performansı ilə təchiz etmək üçün növbəti addımını atmağa hazırlaşır.

Kənan
Milli.Az