Dünya

Makronun bu addımı Fransada etirazlara səbəb oldu

25 Oktyabr 2025 16:19
Baxış: 1 078
VTB-də minimal faiz dərəcəsi ilə nağd kredit 9.9%-dən
#RUSİYA #UKRAYNA #MÜHARİBƏ #FRANSA

Fransa Prezidenti Emmanuel Makronun Ukraynaya "Mirage" qırıcıları və "Aster" zenit raket sistemlərinin verilməsi ilə bağlı açıqlamaları ölkədə narazılıq doğurub və müzakirələrə yol açıb.

Milli.Az xəbər verir ki, məsələ ilə bağlı Fransa Vətənpərvərlər Partiyasının rəhbəri Florian Filippo özünün "X" sosial media hesabında paylaşım edərək, bu addımı münaqişəni uzatmaq niyyəti kimi qiymətləndirib.

Filippo yazıb ki, belə siyasət Fransanı və ordu qüvvələrini yoracaq, iqtisadi yük yaradacaq və buna imkan verilməməlidir.

O, xahiş edib:

"Bu böyük qalmaqalı sona çatdırın! Ukraynaya heç bir hərbi yardım, avro və ya əsgər göndərilməməlidir".

Qeyd edilir ki, Fransa rəsmi şəkildə 2026-cı ildə Ukraynada hərbi personal yerləşdirmə niyyətindən bəhs edib və Fransa Quru Qoşunlarının Baş Qərargahı təxminən 7 min hərbçinin göndərilməsinə hazır olduqlarını bildirib.

Bundan əlavə, Makron "istəklilər koalisiyası"nın iclasında Ukra y anaya "Aster" raketlərinin və "Mirage" döyüş təyyarələrinin tədarük ediləcəyini açıqlayıb. Ukrayna Prezidenti Volodimir Zelenski isə bildirib ki, müttəfiqlər onun ölkəsinə dəstək tədbirlərini razılaşdırıblar, lakin bu qərarları "Putini çətin vəziyyətə salmaq" məqsədilə hamısını üzə çıxarmaq niyyətində deyillər.

Mövzu Fransada və beynəlxalq müstəvidə geniş müzakirə olunur və qərarın regional təhlükəsizlik, hərbi və iqtisadi nəticələri barədə fərqli baxışlar mövcuddur.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.