Şou-biznes

Ayşe Barım haqqında həbs qətimkan tədbiri ləğv edildi

24 Oktyabr 2025 23:28

Baxış: 1 167

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Gezi Parkı hadisələrinin təşkilatçılarından biri olduğu iddiası ilə məhkəmə qarşısına çıxarılan menecer Ayşe Barım haqqında yeni qərar verilib.

Milli.Az xəbər verir ki, İstanbul 27-ci Ağır Cinayətlər Məhkəməsi, Adli Tibb Müəssisəsinin Barımın sağlamlıq vəziyyətinin həbsxanada qalmasına uyğun olmadığı yönündəki rəyini əsas götürərək, Barım haqqında həbs qərarını ləğv edib.

Rəydə Barımın həkim nəzarətində müalicəsini davam etdirməsinin vacib olduğu, həbsxana şəraitinin isə onun sağlamlığı üçün uyğun olmadığı bildirilib. Məhkəmə həmçinin qeyd edib ki, bu mərhələdə Barım üçün tətbiq olunan "ərazini tərk etməmə" və "xaricə çıxış qadağası" kimi nəzarət tədbirləri kifayət edir.

Xatırladaq ki, Ayşe Barım İstanbul 26-cı Ağır Cinayətlər Məhkəməsində 1 oktyabr tarixində keçirilən məhkəmədə beyin və ürək xəstəlikləri səbəbi ilə nəzarət altında azad edilməyə qərar verilmişdi. Lakin prokuror qərara etiraz etmiş, məsələ İstanbul 27-ci Ağır Cinayətlər Məhkəməsinə göndərilmişdi. Yeni qərarla prokurorun etirazı qəbul edilməyib və həbs qətimkan tədbiri ləğv edilib.

Beləliklə, Barım hazırda adli nəzarət altındadir və müalicəsinə davam etməsi tövsiyə olunur.

Lalə Qüdrətova
Milli.Az