Mədəniyyət

Beynəlxalq Muğam Mərkəzinin növbəti “Muğamat axşamı” təqdim olunub - FOTO

4 Mart 2025 22:58

Baxış: 350

#MƏDƏNİYYƏT

Beynəlxalq Muğam Mərkəzinin milli musiqi irsimizin təbliği istiqamətində reallaşan layihələrindən biri də "Muğamat axşamı" adlı konsertlərdir. Layihənin məqsədi əsrlər boyu davam edən tədrici inkişaf və təkamül prosesi nəticəsində yetkinləşmiş, formalaşmış və kamilləşmiş muğam sənətimizi gələcək nəsillərə təbliğ etməkdir.
Layihə çərçivəsində Əməkdar artist İlkin Əhmədov, Beynəlxalq Muğam Mərkəzinin solistləri Səbinə Ərəbli, Günay İmamverdiyeva, Məmməd Nəcəfov, Rəvan Qaçayev və gənc xanəndə Səbinə Əhmədova çıxış ediblər. Xanəndələrin ifasında "Qatar", "Şur", "Segah", "Rast" və "Bayatı-Şiraz" muğamları təqdim olunub. İfaçıları BMM-nin solisti Rəşad İbrahimovun rəhbərliyi ilə instrumental ansambl, Təbriz Yusubov( kamança), Məhta Məhəmmədəlizadə(qanun), Rafael Əsgərov (balaban), Amil Mustafayev( nağara) və Xəyyam Cabbarlı(ud) müşayiət edib.

Layihənin mart ayına olan konsertlərinə biletləri şəhərimizin kassalarında və iticket.az saytından əldə etmək olar.

İnformasiya dəstəyi - Trend.Az, Day.Az, Milli.Az