Şou-biznes

“Ümidsiz Evdar Qadınlar”ın aktrisası vəfat etdi - FOTO

1 İyun 2025 13:18

Baxış: 1 378

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI

Amerikalı aktrisa, "Desperate Housewives" ("Ümidsiz Evdar Qadınlar") serialı ilə tanınan Valeri Mahaffey 71 yaşında dünyasını dəyişib.

Milli.Az xəbər verir ki, bu barədə mərhumun həyat yoldaşı Cozeph Kell məlumat yayıb.

Ölüm səbəbi rəsmi olaraq açıqlanmasa da, Kell aktrisanın uzun müddətdir xərçəng xəstəliyindən əziyyət çəkdiyini bildirib.

"Ömrümün sevgisini itirdim. Amerika isə kino və televiziya sənayesinin ən cazibədar aktrisalarından birinə vida etdi. Onun yoxluğu dərin şəkildə hiss olunacaq", - deyə Cozeph Kell bəyan edib.

Valeri Mahaffey aktyorluq karyerasına 1979-cu ildə NBC kanalının "The Doctors" ("Həkimlər") serialında başlayıb. Qısa müddət sonra istedadı ilə fərqlənərək "Dram serialında ən yaxşı ikinci plan qadın rolu" kateqoriyasında "Emmy" mükafatına namizəd göstərilib. O, "Valiant Women" ("Cəsur Qadınlar"), "Miracle on the Hudson" ("Hudson Möcüzəsi"), "Fresno" mini-serialı və "Desperate Housewives" kimi bir çox uğurlu ekran layihələrində iştirak edib.

Aktrisanın vəfatı sənət dünyasında dərin hüznlə qarşılanıb.

Milli.Az