Avto

Çinin yalnız bu maşınlarını ALIN

29 May 2025 06:06
Baxış: 13 278
VTB-də minimal faiz dərəcəsi ilə nağd kredit 9.9%-dən
#MARAQLI #AVTO #CHİNA #SÜRÜCÜ #AVTOMOBİL

Çində istehsal xərcləri aşağıdır, işçi qüvvəsi ucuzdur, ehtiyat hissələri bol və münasib qiymətədir. Üstəlik, Çin qanunvericiliyinə əsasən, yerli avtomobil başqa ölkəyə ixrac olunarsa, avtomobilin əlavə dəyər vergisi qədər vəsait istehsalçıya geri qaytarılır. Bu da avtomobili həm alıcı, həm də satıcı üçün cəlbedici edir.

Milli.Az xəbər verir ki, bu sözləri Axar.az-a açıqlamasında nəqliyyat eksperti Eldəniz Cəfərov Azərbaycanda avtomobil bazarında olan dəyişiklik barədə danışarkən deyib.

Eldəniz Cəfərov bildirib ki, Çin avtomobillərinin bazarda mövqe qazanmasının bir neçə əsas səbəbi var:

"Vaxtilə Azərbaycanda xüsusilə bölgələrdə insanlar Rusiya istehsalı avtomobillərə üstünlük verirdilər. Bu avtomobillər qiymət baxımından münasib idi, onların təmiri ucuz başa gəlirdi və ehtiyat hissələri əlçatan idi. Lakin Rusiyaya sanksiyalar tətbiq olunduqdan sonra bu ölkənin avtomobil sənayesində böhran yarandı. Nəticədə Rusiya avtomobillərinin yerini Çin modelləri tutmağa başladı. Yaxşı olardı ki, vətəndaşlarımız Avropa bazarı üçün istehsal olunmuş və rəsmi zəmanətlə satılan Çin avtomobillərinə üstünlük versinlər. Çinin daxili bazarı üçün istehsal olunmuş, lakin qeyri-rəsmi yollarla ölkəyə gətirilən modellər sonradan problem yarada bilər. Çünki onların servis xidməti, ehtiyat hissələri və zəmanət məsələləri problemli olur".

Eldəniz Cəfərov hesab edir ki, gələcəkdə Çin avtomobillərinin Azərbaycan bazarında üstünlük qazanıb-qazanmayacağı məhz servis xidmətlərinin keyfiyyətindən asılı olacaq:

"Əgər servis xidməti yaxşı təşkil olunarsa, bu avtomobillər daha da populyarlaşacaq. Əks halda, bazarda yerini qoruyub saxlaya bilməyəcək. Vətəndaşlara məsləhətim odur ki, avtomobili yalnız rəsmi satış kanallarından alsınlar".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.