Türkiyə

Türkiyədə yeni neft yataqları tapıldı

9 Noyabr 2026 21:45
Baxış: 105
VTB-də minimal faiz dərəcəsi ilə nağd kredit 9.9%-dən

Türkiyənin Qabar bölgəsində daha iki sahədə ümumilikdə 135 milyon barel neft potensialı müəyyən

Mlli.Az xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra təşkil edilən mətbuat konfransında deyib.  Ölkənin artan enerji tələbatını ən təhlükəsiz şəkildə qarşılamağa xüsusi önəm verdiklərini bildirən Türkiyə lideri daxili neft və təbii qaz hasilatının həcminin sürətlə artırıldığını qeyd edib. Ərdoğanın sözlərinə görə, hazırda Qara dənizdə hasil edilən təbii qaz hesabına 4 milyon ailənin mavi yanacaq ehtiyacı ödənilir: "Osmanqazi" gəmimizin fəaliyyətə başlaması ilə təbii qazla təmin etdiyimiz ailələrin sayını 8 milyona çatdıracağıq. Həm ölkə daxilində, həm də beynəlxalq müstəvidə atdığımız addımlar və qoyduğumuz investisiyalar ölkəmizin qazanclarına çox vacib kəşflər əlavə edib".  Şırnakın Qabar dağı bölgəsində neft hasilatının rekorda doğru irəlilədiyini diqqətə çatdıran Türkiyə Prezidenti daha iki yeni yataqda zəngin neft ehtiyatlarının aşkar edildiyini bəyan edib: "Qabarda Türkiyənin ən yüksək keyfiyyətli 75,4 milyon barel neftini istehsal edirik. Regiondan xoş xəbərlər gəlməyə davam edir. Yeni iki yataqda 135 milyon barel neft potensialı aşkar olunub. 2027-ci ilin ikinci yarısında təxminən 230 quyu ilə bölgədəki gündəlik hasilatımız 100 min barel həddini keçəcək. Bu isə ölkə iqtisadiyyatına ildə 4,4 milyard dollar əlavə töhfə deməkdir"./"Qafqazinfo"

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.