Mədəniyyət

“Kamera Musiqisi Axşamı” adlı konsert baş tutub - FOTOlar

30 May 2025 16:25

Baxış: 759

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalının səhnəsində "Kamera Musiqisi Axşamı" adlı konsert baş tutub.

Kvartetin hər bir üzvünün professionallıq, yetkin bədii zövq, çoxçalarlı səsləndirmə bacarığı, ifa ustalığı və fədakar əməyi musiqisevərlər üçün bu parlaq konserti yaddaqalan edib. Dinləyicilər isə coşqulu alqışları ilə bunu bir daha təsdiq etdilər.

Proqramda B.Smetana 1 saylı simli kvartet "Mənim həyatımdan" e-moll, C.Debussy simli kvartet g-moll (op.10) səslənib.

Belə ki, kvartet yeni repertuar üzərində işləyərək, gələcək konsertlərdə yenidən musiqisevərlərin qarşısında olacaq.

Qeyd etmək lazımdır ki, Azərbaycan Dövlət Simli Kvarteti 1998-ci ildə yaradılıb. Repertuarı Azərbaycan və xarici bəstəkarların klassik və çağdaş əsərləri ilə zəngindir.

Simli kvartetin tərkibi Respublika və beynəlxalq müsabiqələr laureatı Nəzrin Aslanlı (I violin), Xəyalə Abdullayeva (II violin), Azərbaycan Respublikasının Əməkdar artistləri Vaxtanq İmanov (viola) və Aleksey Miltıx (violonçel) kimi dəyərli ifaçılardan ibarətdir.

İnformasiya dəstəyi - Trend.Az, Day.Az, Milli.Az