Şou-biznes

"Efir bitən kimi otağıma keçib hönkür-hönkür ağladım, bundan şou düzəltmədim"

28 May 2025 11:00

Baxış: 17 715

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #CƏMİYYƏT #QALMAQAL #TV #APARICI

"Həmin verilişlərdir elə bu cəmiyyətə neqativi ötürən. Şəki bölgəsində belə bir deyim var: Dəyirman öz işində, çax-çax baş sındırır..."

Milli.Az xəbər verir ki, bu sözləri "Yeni Sabah"a açıqlamasında teleaparıcı Yusif Ağayev deyib.

O, efirə gedən bəzi verilişlərdən gileylənib:

"1-2 ağzıgöyçəklər çıxıb deyəcəklər ki, Yusif Ağayev teleefirdə deyil, gündəm naminə müsahibə verir. Amma mən 28 ildir televiziya və radio məkanındayam. Görüb bildiklərim nəinki kitablara, dastanlara, bəlkə də cild-cild xatirələrə sığmaz".

Aparıcı bildirib ki, indi elə bir dövrdür ki, insanlar öz ölüsünü efirdə müzakirə edib şou düzəldirlər:

"Halbuki 22 il əvvəl anam rəhmətə getmişdi. O vaxt hələ "106 House" verilişini aparırdım. Anamı dəfn etdikdən cəmi bir həftə sonra efirə çıxdım. Qonağım xalq artisti Eyyub Yaqubov idi. Onun ifa etdiyi "Ana" mahnısının qarşısında özümü veriliş boyu zorla saxladım. Efir bitən kimi isə otağıma keçib hönkür-hönkür ağladım - amma bundan şou düzəltmədim.

Nə isə... Bəlkə də zaman gələr, artıq yaşım yetərincə çox olanda, memuarlarımda bəzi məqamları açıqlayacaq qədər yaddaşıma və hafizə gücümdən əmin olaram".

Milli.Az