Dünya

Bəzi Aİ ölkələrində ictimai nəqliyyatda adi tibbi maskalardan istifadə olunmasının qadağan edilməsi qərara alınıb

25 Aprel 2021 20:19

Baxış: 1 044

#DÜNYADA #KORONAVİRUS

Avropa İttifaqının üzvü olan bir sıra ölkələrdə dünəndən etibarən "qəza tormozlama sistemi" qüvvəyə mindi.

Milli.Az AZƏRTAC-a istinadən bildirir ki, bu tədbir ictimai nəqliyyatda sərnişinlərin qoruyucu maska taxmasına dair əvvəlki tələblərin dəyişdirilməsini nəzərdə tutur. Aİ üzvü olan bəzi ölkələrdə, məsələn, Çexiya, AFR, Slovakiya və Niderlandda vətəndaşlar avtobusda, qatarda və liman bərələrində səfər zamanı FFP2 tipli və ya onları əvəz edən KN95 və N95 növlü tibbi maskalardan istifadə etməli olacaqlar. Həmin ölkələrin qanunverici orqanlarının qəbul etdiyi qərarlara əsasən, dünəndən etibarən ictimai nəqliyyatda adi tibbi maskalardan istifadə olunması qadağan edilir.

Milli.Az