Texnologiya

"Powerbank"ınız bu hala gəlibsə - Partlayacaq

22 Oktyabr 2025 23:08
Baxış: 1 354
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Powerbankların partlama riski barədə xəbərdarlıq edilib.

Milli.Az-ın məlumatına görə rusiyalı ekspert Kristina Vişnevenskaya açıqlamasında bildirib ki, bu cür təhlükə beş əsas əlamətlə özünü göstərə bilər.

Ekspertin sözlərinə görə, cihazın korpusunun şişməsi, kəskin kimyəvi qoxunun yaranması, az yüklə belə həddindən artıq isinməsi, batareya hissəsində qəribə səslərin eşidilməsi, eləcə də enerjinin tez tükənməsi və qəfil sönməsi təhlükə siqnalıdır.

Vişnevenskaya qeyd edib ki, mexaniki zədələr, yüksək temperatur, qeyri-orijinal adapterlər, suyun daxil olması və ya istehsal qüsuru batareyaların nasaz işləməsinə səbəb ola bilər.

O, belə hallarda cihazdan dərhal istifadəni dayandırmağı, şarjdan ayırmağı və alovlana bilən materiallardan uzaq saxlamağı tövsiyə edib.

Ekspert əlavə edib ki, nasaz batareyanı evdə saxlamaq və ya özbaşına təmir etməyə çalışmaq təhlükəlidir. Onun sözlərinə görə, ən doğru addım cihazı servisə və ya utilizasiya məntəqəsinə təhvil verməkdir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.