Dünya

Bu ölkədən Putinə sərt xəbərdarlıq: PUA-ları dərhal vuracağıq

22 Oktyabr 2025 22:53

Baxış: 2 182

VTB-də minimal faiz dərəcəsi ilə nağd kredit 9.9%-dən

#RUSİYA #ROMANİA

Rumıniya müdafiə naziri Ionuţ Mosteanu bildirib ki, Rusiyaya məxsus pilotsuz uçuş aparatları ölkənin hava məkanına icazəsiz daxil olarsa, dərhal vurulacaq.

Milli.Az xəbər verir ki, Mosteanu Buxarestdə parlament binasında çıxış edərkən deyib ki, Müdafiə Nazirliyi dünən gecə Ukrayna sərhədi yaxınlığında hərəkət edən bir qrup PUA aşkar edib və vəziyyəti izləmək üçün iki F-16 qırıcısı qaldırılıb. O, əlavə edib ki, dünən gecə hava məkanının pozulmadığını müəyyən ediblər, lakin sərhədlərə yaxın uçuşlar təkrarlanıb.

Nazir jurnalistlərin "əgər bir və ya bir neçəsi Rumıniyanın hava məkanını pozarsa nə edəcəksiniz?" sualına belə cavab verib:

"Mütləq vur əmri veriləcək. Rusiya PUA-ları ölkə hava məkanına icazəsiz daxil olarsa, dərhal vurulacaqlar."

Lalə Qüdrətova
Milli.Az