Şou-biznes

Hadid ailəsində toy - ayaqyalın gəldilər - FOTO

23 Oktyabr 2025 01:08

Baxış: 3 850

VTB-də minimal faiz dərəcəsi ilə nağd kredit 9.9%-dən

#MODEL

Dünyaca məşhur modellər Cici və Bella Hadid, bacıları Alana Hadidin toyu üçün Los-Ancelesə yollanaraq fərqli gəlin rəfiqələri tərzləri ilə diqqət mərkəzinə düşüblər.

Milli.Az xəbər verir ki, toy onların atası Mohamed Hadidin şəxsi malikanəsində keçirilib.

British Vogueun məlumatına əsasən, Alana gəlinlik seçiminə xüsusi diqqət yetirsə də, gəlin köməkçilərinin geyimlərinə qarışmayıb və onların hər birinə öz tərzində geyinmək azadlığı verib. Cici və Bella ilə yanaşı, digər yarı bacıları Marielle Hadid də gəlinin rəfiqəsi olub.

Bella Hadid dərin dekolteli, qat-qat ətəkli və yarıqlı, axıcı, zərif paltarda iştirak edib. Cici Hadid isə qızılı qolbaqlar ilə tamamladığı, qapalı boğazlı və bir tərəfli uzun paltar seçib. Hər iki bacı ayaqqabı geymədən - ağ pedikürlü çılpaq ayaqları ilə mərasimə qatılıb və təbii tonda makiyajla zərif görünüşlərini tamamlayıblar.

Gigi (30), Bella (29) və Anwar Hadid (26) Mohamed Hadidin ikinci həyat yoldaşı Yolanda Hadiddən olan övladlarıdır. Gəlin Alana və bacısı Marielle isə Mohamedin ilk həyat yoldaşı Mary Butlerdən olan qızlarıdır. Hər iki qadın da mərasimdə iştirak edib. Hadid ailəsinin başqa bir övladı - Aydan Nix isə Mohamedin Terri Hatfield Dull ilə münasibətindən dünyaya gəlib.

Anwar Hadid toyda "şərəfli şahid" olaraq çıxış edib və boz kostyum geyinib.

Lalə Qüdrətova
Milli.Az