Maraqlı

Yeməyi "qazanla soyuducuya qoymayın" xəbərdarlığı

26 Sentyabr 2026 08:08

Baxış: 307

VTB-də minimal faiz dərəcəsi ilə nağd kredit 9.9%-dən

#MARAQLI

Artıq qalan və ya bişirilən yeməklərin saxlama qabına köçürülmədən bişirildikləri qazan və tavalarla birbaşa soyuducuya qoyulması sağlamlıq baxımından ciddi risklər daşıyır. Mütəxəssislər və mətbəx gigiyenası rəsmiləri bişmiş qidaların belə mikroorqanizmlər üçün cəlbedici mühit yaratdığına diqqət çəkərək bu vərdişdən əl çəkilməsi barədə xəbərdarlıq ediblər.

Milli.Az xəbər verir ki, qazan və tavalar hava keçirməyən quruluşa malik olmadıqları üçün qapaq kənarlarındakı boşluqlardan içəri soyuducudakı hava və digər qidalardan hissəciklər daxil ola bilir. Bu vəziyyət yeməyin dadını, qoxusunu və strukturunu pozmaqla yanaşı, soyuducuda olan çiy qidalar ilə bişmiş yeməklər arasında çarpaz bulaşmanın baş verməsinə səbəb olur.

Saxlama qabı kimi nəzərdə tutulmayan metal qazan və tavalar soyuducunun soyuq və rütubətli mühitinə uzun müddət məruz qaldıqda korroziyaya uğraya və ya paslana bilər. Metalın növündən asılı olaraq baş verən bu reaksiyalar qidaya zərərli maddələrin keçməsinə səbəb ola bilər.

Xüsusilə yüksək temperaturlu yeməklərin böyük qablar içində soyuducuya qoyulması cihazın daxili temperaturunu qəfil yüksəldərək ətrafındakı digər qidaların xarab olma riskini artırır. Bununla yanaşı, qazanların və tavaların saplarının soyuducu daxilində çox yer tutması nizamı pozmaqla bərabər, qapaq açılıb-bağlanarkən saplara ilişərək yeməklərin aşmasına və fiziki qəzalara da zəmin yaradır.

Mütəxəssislər bişirilən yeməklərin otaq temperaturuna düşdükdən sonra hava keçirməyən, qidaya uyğun saxlama qablarına köçürülərək soyuducuda saxlanılmasını tövsiyə edirlər.

Müəllif: Ülkər Vəliyeva (Milli.Az redaktor)