Evdə köhnə 2 qəpik varsa, yoxlayın - 4 min manata satıldı - (Foto/Video)
VTB-də minimal faiz dərəcəsi ilə nağd kredit 9.9%-dən
1925-ci ildə buraxılmış 2 qəpiklik sikkə SSRİ-nin nadir və dəyərli sikkələrindən biri hesab olunur. Bu sikkənin hətta dövriyyədə olmuş nümunələri də hərraclarda yüksək qiymətə satılır.
Bunu Milli.Az-a numizmat Fərhad Məmmədov bildirib.
Onun sözlərinə görə, 1925-ci il 2 qəpiyi dövriyyədə olmuş vəziyyətdə belə təxminən 190 min rubla, yəni 4 min manata yaxın qiymətə satıla bilir.
"Əgər evinizdə belə bir sikkə varsa, onu adi 2 qəpik kimi qiymətləndirməyə tələsməyin. 1925-ci ilin 2 qəpiyi SSRİ-nin ən maraqlı raritetlərindən biridir", - deyə F.Məmmədov bildirib.
Numizmat qeyd edib ki, sikkə xalis misdən hazırlanıb və zaman keçdikcə açıq hava və nəmişliyin təsiri altında rəngini dəyişərək qaralmağa başlayır.
Sikkənin çəkisi 6,5 qram, diametri isə 24 millimetrdir. Ön hissəsində SSRİ-nin dövlət gerbi, arxa hissəsində isə sünbüllərlə əhatələnmiş nominal dəyər və zərb ili əks olunub.
F.Məmmədov bildirib ki, sikkənin buraxıldığı dövrdə onun nominal dəyərinin nə ifadə etdiyini həmin illərin qiymətləri ilə müqayisə etmək mümkündür.
"1925-ci ildə 1 kiloqram kartofun və 1 litr südün qiyməti 6 qəpik idi. Yəni həmin dövrdə 2 qəpik də müəyyən alıcılıq qabiliyyətinə malik pul vahidi idi", - deyə o vurğulayıb.
Numizmatın sözlərinə görə, 1925-ci il 2 qəpiyinin dəqiq tirajı məlum deyil. Bəzi mənbələrdə təxminən 2,5 milyon ədəd buraxıldığı qeyd edilir.
"SSRİ kimi nəhəng dövlət üçün aşağı nominala malik sikkənin təxminən 2,5 milyon nüsxəlik tirajı o qədər də böyük sayılmır. Lakin sikkəni raritet edən əsas məqamlardan biri yalnız tirajın nisbətən az olması deyil, onun çox az sayda nümunəsinin günümüzə gəlib çatmasıdır", - deyə F.Məmmədov bildirib.
O qeyd edib ki, dövriyyəyə buraxılmamış, yəni yüksək vəziyyətdə olan 1925-ci il 2 qəpiklərinə rast gəlmək olduqca çətindir.
"Hərraclarda əsasən Şeldon şkalası üzrə F, VF və XF dərəcələrində olan nümunələrin satışına rast gəlirik", - deyə numizmat bildirib.
F.Məmmədov bu təsnifatların mənasını da izah edib.
Onun sözlərinə görə, F (Fine) vəziyyətində olan sikkələrdə əhəmiyyətli dərəcədə aşınma olur, səthdə oksidləşmə və patina izlərinə rast gəlinə bilər.
VF (Very Fine) nümunələrdə yüksək relyefli dizayn elementlərində cüzi aşınma müşahidə edilir, lakin çirklənmə və oksidləşmə təbəqəsi nisbətən minimal olur.
XF (Extremely Fine) isə çox yaxşı vəziyyətdə qorunmuş, relyef elementləri aydın görünən nümunələrə aid edilir.
Numizmat Rusiyanın "Volmar" onlayn hərracının arxivindəki satışlardan da nümunələr gətirib.
"2026-cı il sentyabrın 2-də VF vəziyyətində olan bir 1925-ci il 2 qəpiyi uğrunda 83 iştirakçı mübarizə aparıb. Lot sonda 17 441 rubla, yəni təxminən 352 manata satılıb", - deyə F.Məmmədov bildirib.
O qeyd edib ki, daha yüksək vəziyyətdə olan nümunələr isə dəfələrlə baha qiymətə satılıb.
"2023-cü ildə XF vəziyyətində təqdim olunan bir nümunə 193 610 rubla, bizim pulla təxminən 3 911 manata satılıb. Bununla belə, həmin nümunənin XF kimi təsnif edilməsinə müəyyən şübhələrim var.
Çünki sikkənin üzərində nəzərəçarpacaq oksidləşmə izləri görünür", - deyə F.Məmmədov bildirib.
Numizmat 1925-ci il 2 qəpiyinin digər mühüm xüsusiyyətinə - saxtalaşdırılmasına da diqqət çəkib.
"Bu buraxılış raritet sayıldığı üçün onun çoxlu saxta variantları da hazırlanıb. Buna görə belə sikkə əldə edən şəxslər xüsusilə diqqətli olmalıdırlar", - deyə o vurğulayıb.
F.Məmmədovun sözlərinə görə, saxtakarların istifadə etdiyi üsullardan biri nadir sayılmayan 1924-cü il 2 qəpiyini dəyişdirmək olub.
"Dələduzlar 1924-cü il nümunələrindəki '4' rəqəmini yonaraq onun üzərində müxtəlif üsullarla '5' rəqəmi formalaşdırırdılar. Lakin sikkəyə diqqətlə baxdıqda belə müdaxilələrin izlərini və rəqəmlərdəki uyğunsuzluğu müəyyən etmək mümkündür", - deyə numizmat əlavə edib.
Müəllif: Nərmin Mahmudova (Milli.Az müxbir)
Məqaləyə dair fotomateriallar:
DİGƏR XƏBƏRLƏR
-
Aparıcı Çinarə körpə qızı ilə nənəsinin yubileyində - (Video)
-
“Ihlamurlar Altında”nın əfsanəvi cütlüyü 21 il sonra bir arada - (Video)
-
Aşıq Zülfiyyə ilə Telli Borçalı arasında "buzlar əridi" – Barışdılar
-
Az zəhmətlə bol məhsul və gəlir gətirən 5 meyvə ağacı
-
Evlilik təklifi edən gənci hər kəsin içində pərt etdi (Video)
-
Təranə Qumralın evindəki qızıldan məcməyinin qiyməti heyrətləndirdi - (Video)
XƏBƏR LENTİ
-
Kürdəmirdə 6 otaqlı ev əşyaları ilə birlikdə kül oldu - (Foto)
-
Samuxda minik maşını aşıb, xəsarət alanlar var
-
Bakıda 23 yaşlı qadın qətlə yetirildi - ögey qardaşı saxlanıldı
-
Birinci kurs tələbəsi vəfat etdi
-
Rusiyanın Kemerovo vilayətində "An-12" qəzaya uğrayıb, 17 nəfər həlak olub
-
İran PUA texnologiyalarını Ermənistana ötürüb? – Eyni dron İrəvanda istehsal olunur
-
Azərbaycanda iki sosial müavinət artırılır - Yeni məbləğ
-
Prezident İlham Əliyevin sosial media hesablarında Gürcüstanın Baş nazirinin müavininin qəbulu ilə bağlı videoçarx paylaşılıb - (Video)
-
Bakının məşhur şadlıq sarayları təftiş edildi: Qonaqlara mal əti əvəzinə nə yedirilib? - (Foto)
-
Prezident İlham Əliyevin sosial media hesablarında Almaniyanın xarici işlər nazirini qəbulu ilə bağlı videoçarx paylaşılıb - (Video)
-
Bakcell gənclər üçün növbəti süni intellekt hakatonunu keçirib - (Foto)
-
Prezident İlham Əliyev Gürcüstanın Baş nazirinin müavinini qəbul edib - (Foto/Video)
-
U-17 millimiz Litva ilə heç-heçə etdi
-
Prezident İlham Əliyev Almaniyanın xarici işlər nazirinin başçılıq etdiyi nümayəndə heyətini qəbul edib - (Foto/Video)
-
Aparıcı Çinarə körpə qızı ilə nənəsinin yubileyində - (Video)
-
İran Xameneinin ölümünə görə 159 nəfərə ittiham irəli sürüb
-
Aktrisa Leyla Musayeva vəfat etdi
-
“Ihlamurlar Altında”nın əfsanəvi cütlüyü 21 il sonra bir arada - (Video)
-
Bu tələbələrə hərbi xidmətdən möhlət verilməyəcək
-
Aşıq Zülfiyyə ilə Telli Borçalı arasında "buzlar əridi" – Barışdılar
-
Azərbaycanda saatlıq əməkhaqqı sistemi tətbiq ediləcək
-
Azərbaycanda məzuniyyətə çıxmaq məcburi olacaq
-
Qışda avtomobilinizi bu 10 təhlükədən qoruyun
-
Polşa Azərbaycanı Avrasiya logistikasında əsas tərəfdaş kimi tanıdı





