2 ay qaldı - Maaşlarımız azalacaq?

2026-cı ildən dövlət sektorunda çalışanların əmək haqlarından yenidən vergi tutulacaq. Bu məbləğ 19.5 faizə qalxacaq. Buna səbəb 2019-cu ildə tətbiq edilən 7 illik güzəştin bitməsidir. Həmçinin, 2026-cı ildə bu vergi üzrə dövlət büdcəsinə əvvəlki illə müqayisədə 30 faizə yaxın daha çox vəsaitin daxil olacağının proqnozlaşdırılır. Təcrübədə bir çox sahələrdə işçilərin əmək haqqı məbləği, vergi və digər ödəmələr çıxdıqdan sonra qalan məbləğ üzrə razılaşdırılır. 

Ekspertlər hesab edirlər ki, bu hal işəgötürənlərin xərclərin artırmış olacaq. Əks tədqirdə verginin işçinin öhtəliyinə buraxılması əmək haqlarının azalmasına gətirib çıxaracaq. 

Bəs maaşdan nə qədər tutulma olacaq? Maaşlar azalacaq?

Milli.Az xəbər verir ki, məsələ ilə bağlı iqtisadçı ekspert Xalid Kərimli bildirib ki, əgər bu güzəşt uzadılmasa, onda ödənilən vergilər, tutulmalar və gələcəkdə 2026-cı ilin yanvarında tutulan ödəmələr arasında işçinin əmək haqqı daha 7 faiz çox tutulma olacaq:

"Hal-hazırda işçinin maşından 10 faiz pensiya fonduna, 2 faiz tibbi sığortaya, 0.5 faiz isə işsizlik fonduna ödənir. Yəni, ümumilikdə 12.5 faiz məbləğ tutulur.Güzəşt bitəndən sonra pensiya fonduna ödəmələr 10 faizdən 3 faizə düşəcək. Əvəzində isə vergilər 14 faiz olacaq. Digər tibbi sığorta və işsizlik fondunun məbləği isə öz yerində qalacaq. Yəni, əvvəl 12.5 faiz vergi tutulurdusa, bu məbləğ indi 19.5 faizə qalxacaq. Hazırda neft-qaz sahəsində fəaliyyəti olmayan və qeyri-dövlət sektorunda əmək haqlarından tutulan məcburi Dövlət Sığorta Haqqı maaşın 200 manata qədər hissəsi üçün 3 faiz, bundan yuxarı hissəsi üçün isə 10 faizdir. Əmək haqqı 2500 mnaatdan çox olduqda isə heç bir güzəşt tətbiq edilmədən bu həddə qədər olan hissədən 14 faiz, yuxarı olan hissədən isə 25 faiz vergi tutulur". 

Aysel Əkbər
Milli.Az