Ölkə

Azərbaycanda bu kənd köçürülür - Hazırlıqlar başladı

22 Oktyabr 2026 18:20

Baxış: 850

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Daşkəsən rayonunun Mollahəsənli kəndi başqa əraziyə köçürülür.

Milli.Az olke.az-a istinadən bildirir ki, "AzerGold" Qapalı Səhmdar Cəmiyyətinin (QSC) törəmə şirkəti olan "Daşkəsən Dəmir Filiz" MMC bununla bağlı hazırlıqlara başlayıb.

Köçürülmə prosesinin qiymətləndirilməsi "İqlimLTD" MMC-yə tapşırılıb.

Qiymətləndirmə işlərinə 259 min 305 manat xərclənəcək.

Köçürmə işlərinin dağ-mədən sənayesində hasilat layihələri çərçivəsində sənaye obyektlərinin mühafizə zonasına düşən torpaqların və ya yaşayış hissələrinin dövlət ehtiyacları üçün alınması ilə bağlı olduğu ehtimal olunur.

Qeyd edək ki, hazırda Mollahəsənli kəndində 523 nəfər qeydiyyatdadır və 97 təsərrüfat fəaliyyət göstərir. Kənddə yerləşən evlərin sayı isə 70-dən çoxdur.

Müəllif: Ülkər Vəliyeva (Milli.Az redaktor)