Dünya

Türkiyədə quraqlıq problemi artmaqda davam edir

4 Yanvar 2021 14:00
Baxış: 721
VTB-də minimal faiz dərəcəsi ilə nağd kredit 10.49%-dən

Türkiyənin üzləşdiyi quraqlıq problemi artmaqda davam edir.

Milli.Az AZƏRTAC-a istinadən bildirir ki, İstanbulun ən böyük su qaynaqlarından olan "Ömərli" su hövzəsində doluluq səviyyəsi hər gün bir az daha azalaraq ən aşağı, 16.87 faizə çatıb. Bu, ölkə ərazisində, xüsusilə İstanbulda su qıtlığının yaranması təhlükəsi ilə yanaşı buradakı su canlılarının məhv olmasına da səbəb olub.

Hövzədə suyun çəkilməsi gölməçələrin yaranması ilə nəticələnib. Yaranan bu gölməçələrdə sazan, kefal, yayım, levrek və on minlərlə digər balıq növü məhv olmaq təhlükəsi ilə qarşılaşıb.

Bölgədə aparılan iş nəticəsində su canlılarının bir qismini xilas etmək mümkün olub.

Mütəxəssislər ölkə ərazisində yaranan quraqlığın iqlim dəyişikliyi və qlobal istiləşmənin nəticəsi olduğunu bildirirlər. Onların fikrincə qış aylarının olmasına baxmayaraq Türkiyə ərazisində, xüsusilə Mərmərə bölgəsində yağıntıların olmaması, hava temperaturunun yaz mövsümünə uyğun davam etməsi nəticəsində yaxın gələcəkdə ölkə su qıtlığı ilə qarşılaşa bilər.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.