Sağlamlıq

Kiloqramı 25 manatdır: Xərçəng yaradırmış - 33 illik araşdırma

19 Noyabr 2025 16:00

Baxış: 40 664

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #SAĞLAM QİDA

Süfrələrimizin ayrılmaz hissəsi olan kərə yağı ilə bağlı aparılan genişmiqyaslı araşdırmanın nəticələri narahatlıq doğurub.

Milli.Az xəbər verir ki, beynəlxalq alimlərin 33 il davam edən tədqiqatı kərə yağı istehlakının sağlamlıq üçün düşündüyümüzdən daha təhlükəli ola biləcəyini göstərib.

Araşdırma "JAMA Internal Medicine" jurnalında dərc olunub.

Tədqiqat zamanı kərə yağı və bitki yağlarını istifadə edən şəxslər uzun illər ərzində müqayisə edilib. Nəticələrə görə, ən çox kərə yağı istifadə edən qrupda ölüm riski 15 faiz daha yüksək olub. Əksinə, ən çox bitki yağı istifadə edən şəxslərdə ölüm riski 16 faiz daha aşağı qeydə alınıb.

Araşdırma həmçinin kərə yağı istehlakının artmasının xərçəngə bağlı ölüm riskini yüksəltdiyini göstərib. Bitki yağlarının isə xərçəng, infarkt və insult kimi xəstəliklərdən ölüm riskini azaltdığı müəyyən edilib. Sağlamlıq üçün ən faydalı bitki yağları arasında zeytun, soya və kanola yağları önə çıxıb.

Harvard mütəxəssisləri bildiriblər ki, kərə yağı demək olar ki, faydalı yağ turşuları ehtiva etmir, bunun əvəzində az miqdarda olsa da trans yağ saxlayır. Mütəxəssisin sözlərinə görə, trans yağlar ürək-damar xəstəlikləri üçün ən təhlükəli yağ növü sayılır.

Həkimlər bildirirlər ki, kərə yağından ara sıra dad vermək üçün az miqdarda istifadə eləmək problem yaratmır. Lakin uzunmüddətli sağlamlıq üçün yeməklərin hazırlanmasında və süfrədə kərə yağı əvəzinə bitki mənşəli yağlara üstünlük verilməsi tövsiyə olunur.

İsmayıl
Milli.Az