Maraqlı

Bir güzgü ilə özü-özünü əməliyyat edən HƏKİM - FOTO

22 Noyabr 2025 17:17

Baxış: 4 694

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #VİDEO #TİBB #SƏHİYYƏ #HƏKİM

Tibb tarixinin ən unikal və cəsarətli əməliyyatlarından biri 1961-ci ildə rus həkim Leonid Roqozov tərəfindən həyata keçirilib.

Milli.Az xəbər verir ki, o, elmi ekspedisiya çərçivəsində Antarktidadakı Novolazarevskiy stansiyasında işləyən yeganə həkim idi.

Bir gün onda halsızlıq, ürəkbulanma və 37,5 dərəcəni keçən qızdırma müşahidə olunub. Ardınca qarının aşağı sağ hissəsində güclü ağrı başlayan Roqozov vəziyyətin appendisit olduğunu dəqiqləşdirib. Hava şəraiti səbəbindən evakuasiya tamamilə mümkün olmadığından, o ölüm riski ilə üz-üzə qalıb: ya apandisti partlayacaqdı, ya da o, özünü əməliyyat etməli olacaqdı.

Həkim kritik qərar verib. Stansiyadakı əməkdaşların köməyi ilə əməliyyatı özü icra edib. Mühəndis güzgü və işıqlandırmanı təmin edib, meteoroloq isə alətləri ona verib. Ümumi narkoz olmadığı üçün Roqozov lokal anesteziya olaraq novokoin istifadə edib və təqribən 12 sm-lik kəsiklə əməliyyata başlayıb.

Təxminən 1 saat 45 dəqiqə davam edən əməliyyat son dərəcə çətin şəraitdə aparılıb. Roqozov zaman-zaman başgicəllənmə və zəiflik yaşasa da, qısa fasilələrlə əməliyyatı davam etdirib. O, həm apandisti götürməyi, həm də özü-özünü tikməyi bacarıb. Bir neçə gün sonra artıq tikişlərini də özü çıxarıb və normal fəaliyyətinə qayıdıb.

Bu hadisə həkim Leonid Roqozovu tibb tarixində öz-özünə uğurlu əməliyyat aparan nadir mütəxəssislərdən biri kimi yaddaşlara yazıb.

Hüseyn
Milli.Az