İdman

Millimizin futbolçularının qaydalardan xəbəri yox imiş - Şahruddindən etiraf

18 Noyabr 2026 15:42
Baxış: 175
VTB-də minimal faiz dərəcəsi ilə nağd kredit 9.9%-dən

Azərbaycan yığmasının və "Qarabağ"ın qapıçısı Şahruddin Məhəmmədəliyev qalmaqallı açıqlama verib.

Milli.Az xəbər verir ki, azersiport.com saytına danışan təcrübəli qapıçı Millətlər Liqasındakı qaydaları bilmədiklərini etiraf edib.

O bildirib ki, Lixtenşteynlə son turun matçında ən azı 2 top vurmalı olduqlarını və Avropa çempionatının pley-off mərhələsi üçün ümumilikdə D divizionunda birinci yeri tutmaqlarından xəbərləri olmayıb: "Əvvəlcədən bu qaydadan xəbərimiz yox idi. Deyəsən, əvvəllər belə qayda mövcud deyildi, sonradan əlavə edildi. Müxtəlif versiyalar var idi. Eşitmişdim ki, xallar bərabər olacağı təqdirdə reytinqdə daha yuxarıda olan komanda növbəti mərhələyə yüksələcək. Bu göstəricidə isə biz Maltadan öndəyik".

"Bəs çoxlu qol vurmaq lazım olduğunu bilsəydiniz, fərqli oynayardınız?" sualına Məhəmmədəliyev belə cavab verib: "İkinci hissədə fərqli oynayardıq. Amma biz sadəcə qalib gəlmək və qrupu birinci pillədə başa vurmaq barədə düşünürdük".

Müəllif: Tural Hüseyn (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.