Dünya

Müsəlmanlar Milad yarmarkalarına gedərkən həbs edilməyəcəyinə əmin ola bilərmi?

23 Dekabr 2019 22:35

0 Şərh Baxış: 1 057

VTB-də minimal faiz dərəcəsi ilə nağd kredit 10.49%-dən

#DÜNYADA #ALMANİYA

Almaniyanın paytaxtında keçirilən Milad yarmarkasında iki nəfər şübhəli kişi saxlanılıb.

Bu insanların şəxsiyyəti müəyyən ediləndən sonra məlum olub ki, birinin 21, digərinin 24 yaşı olan bu adamlar Suriyadan gəliblər.

Milli.Az bildirir ki, Berlin polisində AZƏRTAC-ın xüsusi müxbiri ilə söhbət zamanı həmin şəxslərin saxlanılmasını "onların özlərini bir qədər qəribə aparması, yaxınlıqdakı çadırlara tərəf boylanması, öz aralarında söhbət edə-edə ətrafda baş verənləri telefon kamerasına çəkmələri" ilə izah ediblər. Berlin polisinin mətbuat xidməti yarmarkaya gələn insanların demək olar hər birinin özünü bu cür aparmasını nəzərə alaraq bunu etiraf etməyə utanıb ki, əslində həmin iki şəxs xarici görkəminə görə müsəlman olmaları ilə diqqəti cəlb edib.

"Şübhəli" şəxslərin "qəribə" davranışında cinayət tərkibi olmadığına görə onları buraxmağa məcbur olublar. Lakin, necə deyərlər, göz gördüyündən qorxar: suriyalılar saxlanılandan dərhal sonra yarmarkaya gələnlərin hamısı təxliyə edilib, polis ərazidə şübhəli əşyalar tapmaq ümidi ilə 350 nəfər şəxsi heyəti və xidməti itləri cəlb etməklə ərazidə axtarış aparıb, lakin heç nə tapmayıb.

Milli.Az