Mədəniyyət

Opera Studiyasında İtalyan Fırtınası: Cüzeppe Verdinin "Trubadur" operası anşlaqla nümayiş olundu - FOTO

23 Noyabr 2025 18:57

Baxış: 793

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

Üzeyir Hacıbəyli adına Bakı Musiqi Akademiyasının Opera Studiyasında dünya opera sənətinin incilərindən sayılan Cüzeppe Verdinin "Trubadur" (Il Trovatore) operası böyük təntənə ilə təqdim edilib. İtalyan dilində nümayiş olunan tamaşa, dramatik süjeti və virtuoz ifaları ilə paytaxtın mədəniyyət həyatında parlaq iz qoyub.

Tamaşa, Əməkdar artist, dirijor Əyyub Quliyevin rəhbərliği altında Azərbaycan Dövlət Akademik Opera və Balet Teatrının simfonik orkestrinin və xorunun ifasında yüksək peşəkarlıqla səsləndirilib. Səhnə əsərinin rejissoru Əməkdar incəsənət xadimi Hafiz Quliyev, xormeysteri isə Əməkdar incəsənət xadimi Sevil Hacıyevadır.

Gecədə əsas partiyaları Azərbaycan vokal sənətinin tanınmış simaları ifa ediblər. Manriko obrazını Əməkdar artist Fərid Əliyev, Leonora partiyasını Əməkdar artist Afaq Abbasova böyük ustalıqla canlandırıblar. Qraf di Luna rolunda istedadlı vokalçı Taleh Yahyayev, Azuçena obrazında isə Əməkdar artist Səbinə Əsədova, Əməkdar artist Anton Ferştandt (Ferrando) öz parlaq ifaları ilə tamaşaçıların rəğbətini qazanıblar. Tamaşadan həmçinin teatrın solistləri Səma Həmzəyeva (İnes) və İqor Yadrov (Qoca qaraçı) yer alıblar.

Information support - Trend.Az, Day.Az, Milli.Az, Azernews.Az