Cəmiyyət

Polis jurnalistin xəstə anasına yardım etdi

6 İyun 2020 14:02
Baxış: 1 777
VTB-də minimal faiz dərəcəsi ilə nağd kredit 10.49%-dən

Bakıda polis jurnalistin xəstə anasına yardım edib.

Milli.Az Trend-ə istinadən bildirir ki, bu barədə jurnalist Günay Elşadqızı məlumat bildirib.

Onun sözlərinə görə, anası dializ xəstəsidir və həftənin 3 günü - 2, 4, 6-cı günlər mütləq dializ almalıdır: "Evdən xəstəxanaya ən azı 4-5 km yoldur və dializ xəstəsi üçün bu yolu getmək mümkünsüz bir şeydir".

Jurnalist bildirib ki, məsələ ilə bağlı Daxili İşlər Nazirliyi və Bakı şəhər Baş Polis İdarəsinə məlumat verib. Müraciətdən sonra polislər ünvana gələrək jurnalistin anasını vaxtında xəstəxanaya çatdırıb.

Daxili İşlər Nazirliyinin Mətbuat xidmətinin rəhbəri, polis polkovniki Ehsan Zahidov Trend-ə açıqlamasında bildirib ki, Bakıda zəruri hallarda köməyə ehtiyacı olan şəxslərə polis yardım edir.

Onun sözlərinə görə daxili işlər orqanları əməkdaşları ərazidə xidmətdə olmasına baxmayaraq kritik vəziyyətdə olan şəxslərə yardım edir, onlara lazımi köməklik göstərirlər: "Məlumatlara görə, indiyə qədər polis xidmət göstərdiyi ərazidə yaşayan 3 xəstəyə yardım edib, onların tibb müəssisəsi və lazım olan ünvana çatdırılmasını təmin edib".

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.