Cəmiyyət

Azərbaycanda ehtiyac meyarı artırılır

24 Oktyabr 2025 16:50
Baxış: 2 089
VTB-də minimal faiz dərəcəsi ilə nağd kredit 9.9%-dən
#CƏMİYYƏT

2026-cı ildə Azərbaycanda yaşayış minimumu və ehtiyac meyarının 300 manat müəyyənləşdirilməsi planlaşdırılır.

Milli.Az xəbər verir ki, hazırda 2025-ci il üçün bu göstərici 285 manat təşkil edir. Bu isə o deməkdir ki, gələn il ehtiyac meyarı əvvəlki illə müqayisədə 5,3 faiz və ya 15 manat artacaq.

İqtisadçı Eldəniz Əmirovun sözlərinə görə, ehtiyac meyarı ünvanlı dövlət sosial yardımının təyin olunmasında əsas göstəricilərdən biridir. Qanunvericiliyə əsasən, orta aylıq gəliri hər bir ailə üzvü üçün ehtiyac meyarından az olan aztəminatlı ailələr bu yardımı almaq hüququna malikdirlər:

"Məsələn, 5 nəfərlik ailənin gəliri 2025-ci ildə 1425 manat, 2026-cı ildə isə 1500 manat hesablanacaq. Əgər ailənin faktiki gəliri ayda 1000 manat olarsa, 2025-ci ildə 425 manat, 2026-cı ildə isə 500 manat sosial yardım ala biləcək. Beləliklə, gələn il bu ailənin aylıq sosial yardımı 75 manat artacaq".

Qeyd edək ki, rəsmi statistikaya əsasən, ölkədə illik inflyasiya sentyabrda 5,7 faiz olub. Mərkəzi Bank ilin sonunda inflyasiyanın 6 faizə çatacağını, 2026-cı ildə isə bu göstəricinin 5,7 faiz səviyyəsində olacağını proqnozlaşdırır.

Asya Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.