Badımcanı belə bişirin, dadı ətdən daha ləzzətli olur

Badımcan dedikdə çoxumuzun ağlında ilk olaraq yağda qızartma fikri canlanır. Lakin badımcanı yağın içində ağırlaşdırmadan, sobada və bol aromalı xüsusi sousla hazırladıqda ortaya tamamilə fərqli bir dad çıxır. Üstəlik, ət istifadə edilmədən hazırlanan bu resept doyumculuğu ilə süfrədə əsas yemək effekti yaradır.

Yeməyin ən böyük sirri tərəvəzlərin çox yağ çəkməsinin qarşısını almaqdır. Bu üsulda badımcanlar öz təbii aromasını itirmədən bişir və sousla birləşdikdə möhtəşəm bir dad qazanır.

Milli.Az lazım olan məhsulları təqdim edir:

Əsas tərəvəzlər:

1 kiloqram badımcan

1 kiloqram kartof

1 tatlı qaşığı duz

4 xörək qaşığı duru yağ

Xüsusi sousu üçün:

1 qəhvə fincanına yaxın duru yağ

4 diş sarımsaq

2 orta boy baş soğan

1 orta boy pomidor

2 ədəd yaşıl şirin bibər

1 ədəd qırmızı şirin bibər (kapya)

1 çay qaşığı pomidor tomatı (salça)

1 çay qaşığı qırmızı şirin toz bibər

1 çay qaşığı duz

1 çay qaşığı kimyon (zirə)

1 çay qaşığı istiot (qara bibər)

1 tatlı qaşığı pul bibər

1 su stəkanı su

Üzəri üçün:

1 böyük boy pomidor

4 ədəd yaşıl acı və ya şirin bibər

Hazırlanma qaydası
Badımcanları zolaq-zolaq soyun. Tamamilə soymaq əvəzinə xətlər buraxmaq həm görüntünü, həm də bişmə balansını qoruyur. Badımcanları çox kiçik olmayacaq şəkildə iri-iri doğrayın (çox nazik olduqda sobada dağıla bilər).

Kartofları isə badımcanlardan bir az daha nazik doğrayın, çünki kartof badımcana nisbətən daha gec yumşalır. Doğranmış tərəvəzləri geniş bir qaba alıb üzərinə 4 xörək qaşığı duru yağ və 1 tatlı qaşığı duz əlavə edərək yaxşıca harmanlayın.

Hazırladığınız tərəvəzləri soba qabına tökün. İstəsəniz nizamsız, istəsəniz də vizual olaraq şık görünməsi üçün növbəli şəkildə düzün. Əvvəlcədən 200 dərəcə qızdırılmış sobada təxminən 35 dəqiqə bişirin.

Sirli sousun hazırlanması: Tavaya duru yağı alın və doğranmış soğanları əlavə edin. Tavanın qapağını bağlayaraq orta odda soğanların öz suyu ilə yumşalmasını gözləyin. 5 dəqiqə sonra doğranmış yaşıl və qırmızı (kapya) bibərləri əlavə edin. (Qırmızı bibər yeməyə təbii şirinlik və intensiv aroma qatır).

Bibərlər yumşaldıqdan sonra tomat pastasını əlavə edib qısa müddət qovurun. Sonra doğranmış pomidorları əlavə edin. Qarışığa 1 stəkan su, kimyon, istiot, pul bibər, toz bibər və duzu əlavə edin. Son mərhələdə xırda doğranmış sarımsaqları da qatıb bir-iki dəfə qarışdırın və ocağın altını söndürün.

Sobada yarımçıq bişmiş tərəvəzlərin üzərinə hazırladığınız bu isti sousu bərabər şəkildə yayın. Yeməyin üzərini bəzəmək üçün iri dilimlənmiş 1 ədəd pomidoru və yaşıl bibərləri düzün.

Yeməyi yenidən 200 dərəcəlik sobaya yerləşdirin və təxminən 20 dəqiqə də bişirin. Üzərindəki pomidor və bibərlər xəfif qızarıb rəng aldıqda yeməyiniz hazırdır!

İsti-isti servis edin. Nuş olsun!

Lalə Qüdrətova
Milli.Az