Maraqlı

İnsultdan sonra başqa dildə danışmağa başladı - FOTO

24 Oktyabr 2025 18:00

Baxış: 694

VTB-də yüksək depozit faizleri daha çox qazandırır

#DÜNYADA #MARAQLI #CƏMİYYƏT #BRİTANİYA

Britaniyalı qadın insultdan sonra tayland aksenti ilə danışmağa başlayıb.

Milli.Az xəbər verir ki, Britaniyalı Keti Uorren Türkiyənin Fethiye şəhərində istirahət zamanı insult keçirib və bundan sonra səsi tamamilə dəyişib.

Hadisə barədə "Mirror" nəşri məlumat yayıb.

Məlumata görə, 29 yaşlı qadın doğum gününü qeyd etməyə hazırlaşarkən qəfil güclü başgicəllənmə hiss edib və hərəkət qabiliyyətini itirib. Dostu dərhal təcili yardıma zəng edib və Keti xəstəxanaya çatdırılıb. Müayinə zamanı onun insult keçirdiyi müəyyən olunub.

Keti huşunu bərpa etdikdə bədəninin sol tərəfinin iflic olduğunu və səsinin dəyişdiyini görüb. Daha sonra həkimlər onda nadir rast gəlinən "xarici aksent sindromu" diaqnozu qoyublar. Bu xəstəlik zamanı insan insult və ya beyin travmasından sonra fərqli bir ölkənin aksenti ilə danışmağa başlayır.

Keti bildirib ki, əvvəllər saf britaniya tələffüzü ilə danışırdı, lakin indi səsi tayland aksentinə bənzəyir. O bunu anasının taylandlı olması ilə əlaqələndirir.

Bir ay Türkiyədə müalicə alan qadın daha sonra Böyük Britaniyaya qayıdıb, iki ay xəstəxanada və üç ay reabilitasiya mərkəzində qalıb. İndi o yenidən yeriyə bilir, lakin danışığı hələ də əvvəlki kimi deyil.

İsmayıl
Milli.Az