PUL
Bakıda və Abşeron yarmadasında inşa edilən bəzi binalardakı mənzillərə çıxarış verilməyə bilər.
Milli.Az Xəzər TV-yə istinadən bildirir ki, mövzu ilə bağlı danışan əmlak məsələləri üzrə ekspert Ramil Qasımzadə bildirib ki, paytaxt ərazisindəki bəzi binalarda yaşayış olsa da, onlar istismara qəbul edilməyib.
Eskpert deyib ki, həmin binaların istismara qəbul edilməməsinin müxtəlif səbəbləri var. Əsas problem təhlükəsizliklə bağlıdır. Buna görə də Əmlak Məsələləri Dövlət Xidməti tərəfindən bu binaların çıxarışla təmin olunması mümkün olmaya bilər.
Onun sözlərinə görə, yeni tikilən əksər binalarda hüquqi məsələlərdən yaranan problemlər də az deyil. Xüsusilə də eyni mənzilin bir neçə nəfərə satılması çıxarışların verilməsi prosesini uzadır. Ramil Qasımzadə vətəndaşların ev alarkən aldanmaması üçün bəzi qayadalara əməl etmələrini tövsiyə edib.
Ekspert əlavə edib ki, əgər yeni inşa olunan bina dövlət qeydiyyatına alınmayıbsa və onun istismar aktı yoxdursa, mənzillər çıxarışla təmin olunmayacaq.
Mövzu ilə bağlı daha ətraflı videomaterialı təqdim edirik:
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
