Sağlam qida

Xiyar hansı hallarda zərərlidir? - Tərkibində elə şey var ki...

23 Aprel 2025 02:02

Baxış: 3 274

VTB-də minimal faiz dərəcəsi ilə nağd kredit 9.9%-dən

#SAĞLAM QİDA

Xiyar uzun illərdir ki, ən yüngül və sağlam tərəvəzlərdən biri kimi tanınır və xüsusilə yay aylarında daha çox istehlak olunur. Bu tərəvəz su ilə zəngin olmaqla yanaşı, tərkibində B qrupu vitaminləri, kalium və maqnezium kimi orqanizm üçün vacib maddələr də daşıyır.

Bəs xiyarı çox yeməyin hər hansı ziyanı var?

Milli.Az xəbər verir ki, hər kəsin sağlam qəlyanaltı kimi qəbul etdiyi xiyarı çox miqdarda yemək müəyyən hallarda mənfi təsirlərə gətirib çıxara bilər. Həddindən artıq lif tərkibli olduğu üçün xiyarın həzmi zaman alır və bu da xüsusilə axşam saatlarında və yatmazdan əvvəl yeyildikdə həzm sistemini yükləyə bilər.

Gec vaxtda qəbul olunan xiyar orqanizmin gecə boyunca aktiv qalmasına, bunun nəticəsində isə yuxunun səthi olmasına, tez-tez oyanmalara və səhər yorğun oyanmağa səbəb ola bilər. Mütəxəssislər axşam saatlarında, xüsusilə də yatmazdan 2-3 saat əvvəl lifli qidaların miqdarını azaltmağı tövsiyə edirlər. Eyni zamanda, soyuqdəymə və ya xroniki tənəffüs problemləri yaşayan şəxslərin xəstə olduqları dövrdə xiyardan uzaq durmaları məsləhətdir. Xüsusilə bu tərəvəzi soyuducudan çıxarıb çiy şəkildə yemək, öskürəyi daha da ağırlaşdıra bilər.

Bununla yanaşı, bəzi insanlarda xiyar allergik reaksiyalara dəridə qaşınma və səpgilərə səbəb ola bilər. Bu səbəbdən fərdi həssaslığı olan şəxslər istehlakda diqqətli olmalıdırlar.

Asya
Milli.Az