Cəmiyyət

“Azərbaycan Dəmir Yolları”ndan Xırdalan-Sumqayıt xətti ilə bağlı açıqlama

17 Oktyabr 2026 12:14

Baxış: 375

VTB-də minimal faiz dərəcəsi ilə nağd kredit 9.9%-dən

Xırdalan-Sumqayıt istiqamətində qatarların hərəkəti hələ də bərpa edilməyib. Halbuki daha əvvəl ərazidə təmir işlərinin başa çatdığı və sərnişin qatarlarının yeni tədris ili ərəfəsində yenidən fəaliyyətə başlayacağı açıqlanmışdı.

Milli.Az xəbər verir ki, yerli sakinlər dəmir yolu xəttinin yenidən istifadəyə verilməsinin gündəlik gediş-gəlişlərini xeyli asanlaşdıracağını düşünürlər. Onların fikrincə, marşrutun bərpası həm Sumqayıtdan Bakıya, həm də Xırdalandan Sumqayıta gedən sərnişinlərin nəqliyyatla bağlı çətinliklərini azaldacaq və yolda itirilən vaxta qənaət etməyə şərait yaradacaq.

"Azərbaycan Dəmir Yolları" QSC-dən verilən məlumata görə, dəmir yolu infrastrukturunun texniki vəziyyəti xüsusi diaqnostika qatarı vasitəsilə mütəmadi olaraq yoxlanılır. Yoxlamalar zamanı Xırdalan-Biləcəri dəmir yolu sahəsindəki körpüdə də müəyyən nasazlıqlar aşkar edilib.

Qurumdan bildirilib ki, körpüdə aparılan işlər tamamlandıqdan sonra Xırdalan-Sumqayıt marşrutu üzrə sərnişin qatarlarının hərəkəti yenidən təşkil olunacaq.

Müəllif: Aysel Əkbər (Milli.Az müxbir)