Hadisə

24 yaşlı futbolçu faciəvi şəkildə öldü

17 Oktyabr 2026 11:06
Baxış: 387
VTB-də minimal faiz dərəcəsi ilə nağd kredit 9.9%-dən

Rusiyanın Barnaul şəhərinin "Polimer" futbol klubunun hücumçusu Daniil Vinter yol qəzasında ölüb.

Milli.Az xəbər verir ki, bu barədə klubun mətbuat xidməti məlumat yayıb.

Bildirilib ki, hadisə oktyabrın 15-də axşam saatlarında Çuya magistral yolunda, Troitskoye kəndi yaxınlığında baş verib.

Avtomobillə Biysk şəhərindən Barnaula gedən 24 yaşlı futbolçu yolun sürüşkən olması səbəbindən idarəetməni itirərək yol kənarındakı qoruyucu səddə çırpılıb.

Qəza nəticəsində sükan arxasında olan Daniil Vinter ağır kəllə-beyin travması alıb. Gənc futbolçu dostu və komanda yoldaşı Yeqor Parşakovun qollarında dünyasını dəyişib.

Hadisə zamanı avtomobildə olan Yeqor Parşakov isə tibbi yardımdan imtina edib.

Qeyd edək ki, 24 yaşlı Daniil Vinter hücumçu mövqeyində çıxış edib. O, futbolçu karyerası ərzində Barnaulun "Dinamo" və "Polimer", Miassın "Torpedo", həmçinin Novotroitskin "Nosta" klublarının formasını geyinib.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.