Cəmiyyət

Bakıda “20 Yanvar” dairəsi ilə bağlı yenilik: Hərəkət dəyişəcək

17 Oktyabr 2026 11:29

Baxış: 511

VTB-də minimal faiz dərəcəsi ilə nağd kredit 9.9%-dən

Bakıda "20 Yanvar" metro stansiyasının yaxınlığından eyniadlı dairəyə doğru hərəkət edən avtobusların marşrutunda dəyişiklik edilməsi planlaşdırılır.

Milli.Az xəbər verir ki, bu barədə Azərbaycan Yerüstü Nəqliyyat Agentliyinin (AYNA) mətbuat katibi Tural Orucov İTV-də yayımlanan "Xəbərimiz var" verilişində məlumat verib.

Tural Orucovun sözlərinə görə, hazırda Müzəffər Həsənov küçəsi ilə hərəkət edən avtobuslar "20 Yanvar" dairəsinə Həsən bəy Zərdabi prospekti vasitəsilə çatırlar. Bu isə nəqliyyat vasitələrinin dönməsi zamanı müəyyən çətinliklər yaradır.

O qeyd edib ki, aparılan təhlillərin nəticəsinə əsasən, gələcəkdə həmin istiqamətdən dairəyə birbaşa çıxışı təmin edən avtobus yolunun yaradılması nəzərdə tutulur. Hazırda bu istiqamətdə müvafiq işlər həyata keçirilir.

Müəllif: Aysel Əkbər (Milli.Az müxbir)