Sağlamlıq

Pəhriz zamanı immuniteti gücləndirmək üçün bunları yeyin

30 Oktyabr 2023 23:34

Baxış: 882

#SAĞLAMLIQ #PƏHRİZ

Məlumdur ki, pəhriz saxlayanda immunitet aşağı düşür, orqanizm zəifləyir. Pəhriz saxlayanların çoxu depressiyaya düşür. Bütün bu çatışmazlıqların qarşısını almaq üçün bəzi məqamlara diqqət edilməlidir.

Milli.Az axşam.az-a istinadən immuniteti gücləndirəcək menyunu təqdim edir.

Bu menyu pəhrizi pozmur, kökəlməyə qoymur.

Orqanizmi minerallarla təmin edin

Bunun üçün pəhriz zamanı yaşıl dəniz yosunu yemək məsləhətdir. Onun tərkibindəki manqan, xrom, maqnezium kimi maddələr orqanizmi gümrah saxlayacaq. O, qanda şəkərin miqdarını qorub, orqanizmin şəkər tələbatını ödəyir.

İşığa bax

Pəhriz saxlayanda sümükləri möhkəmləndirmək, orqanizmi D vitamini ilə zənginləşdirmək üçün günəşə baxmaq lazımdır. Əgər siz hava qaralana kimi yatırsınızsa, onda otaqda lampanı yandırıb ona baxın.

Yağlardan istifadə

Orqanizmə xeyirli olan Omeqa turşusu da pəhriz zamanı lazımlı maddələrdəndir. Buna görə də çalışın, pəhriz saxlayanda küncüd yağı qəbul edəsiniz. O, orqanizmi Omeqa 6 turşusu ilə təmin edəcək.

Limonlu su için

Bu məsləhət səhər yeməyi yeməyənlər üçündür. Hər səhər limon şirəsi qatılmış su için. Bu, mədə-bağırsaq sistemini yaxşılaşdırıb, böyrəyə müsbət təsir edir, mədəaltı vəzinin işini qaydaya salır. Pəhriz zamanı mədədə yaranacaq problemlərin qarşısını əvvəlcədən alır.

Rasionunuzu rəngləndirin

Pəhriz menyunuza daxil olan kartof püresini köklə əvəzləyin. Kökü qaynadıb, püre halına gətirib, içərisinə xırda doğranmış ispanaq, şüyüd əlavə edib yeyin. Pəhriz zamanı qırmızı-bənövşəyi rəngli giləmeyvələr yemək insanı gümrah saxlayır.

Milli.Az