Maraqlı

Kombinin daha sürətli və çox isidilməsi üçün 3 sadə metod

16 Noyabr 2025 00:49

Baxış: 300

VTB-də yüksək depozit faizleri daha çox qazandırır

#MARAQLI

Havanın soyuması ilə birlikdə bir çox evdə istilik sistemi yenidən diqqət mərkəzinə çevrilib. Mütəxəssislər bildirir ki, kombi və radiator sistemində ediləcək bir neçə kiçik toxunuş həm daha tez isitməyə kömək edir, həm də təbii qaz sərfiyyatını azaldır.

Milli.Az xəbər verir ki, radiatorlarda yığılan hava mütləq çıxarılmalıdır.

Mühəndislik təlimatlarında qeyd edilir ki, radiatorun üst hissəsində toplanan hava, isti suyun dövranına mane olur. Əgər radiator aşağıdan isti, yuxarıdan soyuqdursa, deməli içində hava var.

Kombinin su təzyiqi 1.2 - 1.5 bar arasında olmalıdır.

Təzyiq 1 barın altına düşəndə kombi radiatora kifayət qədər isti su ötürə bilmir və bu da gec isinməyə səbəb olur. Texniki servis mütəxəssisləri ideal təzyiq aralığının 1.2-1.5 bar olduğunu bildirir.

Enerji Verimliliyi Dərnəyinin təlimatlarına görə, təkcə kombidən temperaturu yüksəltmək əvəzinə, otaqlar üzrə ayrıca istilik idarəetməsi həm daha tez isitməyə, həm də 20%-ə qədər qənaətə şərait yaradır.

Tövsiyə edilən otaq temperaturu:

Qonaq otağı: 21-22°C

Yataq otağı: 18-19°C

Mətbəx: 20°C

Termostatik vanası açıq olan radiatorlar daha tez isinir.

Kombinin yerləşdiyi divarda soyuq hava sızması varsa izolyasiya edilməlidir.

Radiatorun qarşısına mebel qoyulmamalıdır.

Radiatorun arxasında istilik əks etdirici folqa istifadə edilə bilər.

Kombidə "modulyasiya" funksiyası varsa aktiv edilməlidir.

Lalə Qüdrətova
Milli.Az