Türkiyə

Türk gəmisi dronla vuruldu - 16 nəfər təxliyə edildi

17 Noyabr 2025 20:01
Baxış: 2 124
VTB-də minimal faiz dərəcəsi ilə nağd kredit 9.9%-dən
#TÜRKİYƏ

Türkiyəyə məxsus, təxminən 4 min ton maye qaz (LPG) daşıyan "Orinda" gəmisi Ukraynada PUA tərəfindən atəşə tutulub.

Milli.Az xəbər verir ki, zərbədən sonra gəmində güclü yanğın başlayıb. Partlayış riski yarandığı üçün 16 nəfərlik heyət dərhal təxliyə olunub və təhlükəsiz yerə köçürülüb.

Yanğının şiddətlənməsi və partlayış ehtimalı səbəbilə Ukrayna sərhədinə yaxın yerləşən Ruminiyanın Plauru kəndinin sakinləri də köçürülüb.

Şirkət hadisə ilə bağlı açıqlama yayıb: "Bütün heyət üzvlərimizin sağlamlıq vəziyyəti yaxşıdır. Gəmidə yanğın davam edir və yerli hakimiyyət orqanları ilə birlikdə müdaxilə işləri həyata keçirilir."

ORINDA tankeri Orinda Dənizçilik şirkətinə məxsusdur və 125 metr uzunluğundadır. Gəmi 2023-cü ilin aprel ayında Türk Beynəlxalq Gəmi Reyestrinə daxil edilib.

Türkiyənin Dənizçilik Baş İdarəsi də hadisə ilə bağlı açıqlama verərək, ölən və yaralanmanın olmadığını bildirib.

Hadisə eyni gün Rus ordusunun Ukraynanın ən böyük enerji şirkəti DTEK-ə məxsus Odessa enerji obyektini vurmasından sonra baş verib. Zərbədən sonra 36 min 500 ev elektriksiz qalıb. Onlardan yalnız 4 mininə ehtiyat xətlər vasitəsilə enerji bərpa edilib, qalan 32 min 500 evdə təmir işlərinin uzun çəkəcəyi bildirilib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.