Mədəniyyət

Xalq artisti Fidan Hacıyevaya vəzifə verildi

13 Sentyabr 2019 19:09
2 Şərh     Baxış: 2 544

Bakı Şəhər Mədəniyyət Baş İdarəsinin əmrinə əsasən Ə.Bakıxanov adına 6 nömrəli uşaq musiqi məktəbinə yeni təyinat olub. Məktəbin direktor vəzifəsinə opera müğənnisi, xalq artisti Fidan Hacı Ağa qızı Hacıyeva təyin olunub.

Nazirlikdən Milli.Az-a verilən məlumata görə, Fidan Hacıyeva professor Hüseyn Əliyevin tələbəsi olub. 1996-cı ildən Azərbaycan Dövlət Akademik Opera və Balet Teatrının solistidir. 2002-ci ildə İtaliyanın Kidjiano Akademiyasında keçirilən Beynəlxalq müsabiqəsində qalib olub. 2006-ci ildə "Azərbaycan Respublikasının Əməkdar Artisti" adına layiq görülüb və 2006, 2007, 2008-ci illərdə Azərbaycan Respublikası Prezidentinin Fəxri mükafatı ilə təltif olunub. 2010-cu ildə İtaliyada, Roma Musiqi Akademiyasının "Peşəkar vokal ifaçılarının müsabiqəsi"nin qalibi olub. 2015-ci ildə Azərbaycan Respublikasında mədəniyyət sahəsində səmərəli fəaliyyətinə görə 8 Mart Beynəlxalq Qadınlar Günü münasibəti ilə "Xalq artisti" adına layiq görülüb. 2016-cı ildə öz adını daşıyan Musiqi Mərkəzini yaradıb.

Fidan Hacıyeva Milli səhnəmizdə klassik dünya operalarında lirik-qəhrəman partiyalarını oxuyan ilk "Karmen" ifaçısı Fatma Muxtarovadan sonra ikinci Azərbaycan opera səhnəsinin "Karmen"i adlandırılır.

Milli.Az

loading...

Şərh yaz:

2 Şərh:

  • Anonim
    ƏMRAH ƏNRAH ALMALI · 13 Sentyabr 19:3130

    Fidan xanım təbrik edirəm Bu son dəfə olaraq Cinas gəraylı Unutma gəl imanını İman almaq münkün deyil Əziz tut ləl imanını İman almaq münkün deyil İman gələ imansıza Qəlbinə nur iman sıza Olmayasan imansız aaa... İman almaq münkün deyil Əmrah görüb min kinolar Münkünsüzə münkün ol ar Hər nə alsan münkün olar İman almaq münkün deyil 2019

    Cavab yaz
  • Anonim
    ƏMRAH ƏNRAH ALMALI · 13 Sentyabr 19:4820

    Təbrik edirəm Fdan xanım

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.