Siyasət

Ceyhun Bayramov Kot-d’İvuar XİN rəhbəri ilə regional məsələləri müzakirə edib - (Foto)

24 Sentyabr 2026 21:13

Baxış: 135

#XARİCİ İŞLƏR NAZİRLİYİ

Azərbaycanın xarici işlər naziri Ceyhun Bayramov Kot-d'İvuar XİN rəhbəri ilə regional məsələləri müzakirə edib.

Milli.Az xəbər verir ki, bu barədə Xarici İşlər Nazirliyinin "X" sosial şəbəkə hesabındakı paylaşımında qeyd edilib.

Bildirilib ki, Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyası (UNGA81) çərçivəsində Kot-d'İvuarın xarici işlər və beynəlxalq əməkdaşlıq naziri Niale Kaba ilə görüşüb.

"Tərəflər Azərbaycan-Kot-d'İvuar ikitərəfli münasibətlərinin dinamik inkişafını qeyd edərək, həm ikitərəfli, həm də çoxtərəfli əməkdaşlığın gücləndirilməsində parlamentlərarası əlaqələrin, yüksəksəviyyəli səfərlərin və müntəzəm siyasi məsləhətləşmələrin mühüm rolunu vurğulayıblar.

Müzakirələr zamanı, həmçinin Azərbaycanın beynəlxalq platformalarda fəal iştirakı və sədrliyi, Afrika ölkələri ilə genişlənən tərəfdaşlığımız, eləcə də əsas regional proseslərə dair fikir mübadiləsi aparılıb", - deyə paylaşımda bildirilib.

Müəllif: Ülkər Vəliyeva (Milli.Az redaktor)