Şou-biznes

“Yaşaya bilmədiyimiz ata-qız sevgisinə ağlayıram” - Rəqsanə İsmayılova - (Foto)

25 Sentyabr 2026 00:45

Baxış: 1 570

VTB-də minimal faiz dərəcəsi ilə nağd kredit 9.9%-dən

#MÜĞƏNNİ

Müğənni Rəqsanə İsmayılova ötən gün vəfat edən atası İsmayıl İsmayılovla bağlı sosial şəbəkədə paylaşım edib.

Milli.Az xəbər verir ki, atasının fotosunu paylaşan sənətçi bunları yazıb:

"Mən sənin qayğına hələ uşaq ikən möhtac idim, ata. Sən isə mənə ən çox lazım olduğun vaxtlarda yox idin. Mən böyüdüm, amma içimdə həmişə sənin sevgini gözləyən o balaca qız qaldı. İndi sən yoxsan. Nə səni gözləmək olur, nə də içimdə qalanları sənə demək. Bəlkə də mən sənin üçün heç vaxt tam bir qız ola bilmədim, amma sən mənim üçün həmişə ata olaraq qalacaqsan. Mən sənin yoxluğuna deyil, heç vaxt yaşaya bilmədiyimiz ata-qız sevgisinə ağlayıram.

Allah rəhmət eləsin, ata".

Qeyd edək ki, Rəqsanə İsmayılova illər əvvəl atasını 3 yaşından etibarən görmədiyini açıqlamışdı. Müğənni buna baxmayaraq atasını heç vaxt inkar etmədiyini və onun varlığını bildiyini söyləmişdi.

Müəllif: Ülkər Vəliyeva (Milli.Az redaktor)