İdman

“Həyatımı məhv etsə də, peşman deyiləm” - Mark Kukurelya

25 Sentyabr 2026 02:02

Baxış: 259

VTB-də minimal faiz dərəcəsi ilə nağd kredit 9.9%-dən

#REAL MADRİD

"Real Madrid"in və İspaniya milli komandasının sol cinah müdafiəçisi Mark Kukurelya yığmanın baş məşqçisi Luis de la Fuentenin portreti əks olunmuş məşhur döyməsi barədə danışıb.

Milli.Az qafqazinfo-ya istinadən xəbər verir ki, yay mövsümünün əvvəlində müdafiəçi əgər ispanlar dünya çempionu olarsa, bədəninə baş məşqçinin şəklini həkk etdirəcəyinə söz vermişdi.

"Qırmızı furya"nın DÇ-2026-da qələbə qazanmasından sonra "Kral Klubu"nun yeni transferi verdiyi vədi yerinə yetirib.

"El Larguero" proqramına müsahibə verən Kukurelya gülərək məşqçisi ilə aralarında keçən dialoqu bölüşüb:

"Mən de la Fuenteyə dedim ki, o, məni bəlaya salıb və bu döymə ilə həyatımı məhv edib. Amma etdiyim heç bir şeyə görə zərrə qədər də peşman deyiləm".

Xatırladaq ki, DÇ-2026-nın final qarşılaşmasında İspaniya milli komandası 106-cı dəqiqədə Ferran Torresin vurduğu yeganə qol sayəsində Argentinanı 1:0 hesabı ilə məğlub edərək dünya çempionu tituluna sahib çıxmışdı.

Müəllif: Ülkər Vəliyeva (Milli.Az redaktor)