Mədəniyyət

Filarmoniyanın aprel ayında keçirilən abonement konsertləri - FOTO

15 May 2024 15:14

Baxış: 1 174

2022-ci ilin noyabr ayından etibarən, Mədəniyyət Nazirliyinin dəstəyi ilə Filarmoniya tərəfindən təşkil olunan abonement konsertlər mart ayında da davam edib.

Abonement konsertlər 2023-cü ilin noyabr ayından hər həftənin şənbə günləri saat 15:00-da M.Maqomayev adına Azəbaycan Dövlət Akademik Filarmoniyasının Kamera və Orqan Musiqisi Zalında təşkil olunub.

Aprel ayının 6-da Azərbaycan Dövlət Fortepiano Triosunun konserti keçirilib. Solist Azərbaycan Respublikasının Əməkdar artisti Elnarə Kəbirlinskaya (piano) və Azərbaycan Dövlət Fortepiano triosunun ifasında Azərbaycan və Avropa bəstəkarlarının əsərləri səslənib.

20 aprel tarixində Gənc istedadların iştirakı ilə konsert keçirilib. Solistlər Respublikavə beynəlxalq müsabiqələr laureatları Nuray Həsənli, Xədicə Mirzəliyeva, Məryəm Rəhimli, Nuray Quliyeva, Kamran Rəhimli, Yasamən Umudova, Zəhra Bağırzadə, Müzəffər Əliyev, Ayşən Umudova, Miray Fəzrulla, Aysel Piriyeva, Cahan Rzazadə, Nüşabə Əlizadə, Fatimə Hüseynova, Zəhra Zeynalova, Vəli Vəliyev, Ayxan Quluzadə, Anisa Karmel Əsgərli, Melisa Ağazadə, Nəsirli Qurban, Fatimə Məmmədzadə, Camal Əliyev, Fərəh Əliyeva, Teymur Rəhimli, Leyla İbrahimova, Özləm Məmmədova, Cemre Biter və Hüseyn Eminli Azərbaycan, rus və Avropa bəstəkarlarının əsərləri ilə çıxış ediblər.

Aprel ayının 27-də F.Əmirov adına Əməkdar Kollektiv Azərbaycan Dövlət Mahnı və Rəqs Ansamblı dinləyicilərin qarşısında çıxış ediblər. Konsertdə Azərbaycan xalq mahnı və rəqsləri səslənib.

Qeyd edək ki, konsertlərdə iştirak etmək istəyənlər biletləri şəhərimizin kassalarından və iticket.az saytından əldə edə bilərlər. Bir dəfə alınan abonement bileti ay ərzində təşkil olunan konsertlər üçün keçərlidir.

İnformasiya dəstəyi - Trend.Az, Day.Az, Milli.Az