Şou-biznes

Türkiyəli məşhurların saxlanılmasından ilk görüntülər - (Foto)

18 Sentyabr 2026 17:40

Baxış: 188

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ

Türkiyədə məşhur şəxslərin də adlarının hallandığı narkotik istintaqı çərçivəsində saxlanılan şəxslərin ilk görüntüləri yayılıb.

Milli.Az xəbər verir ki, Bakırköy Respublika Baş Prokurorluğunun apardığı istintaq çərçivəsində aralarında aktyor Aras Bulut İynemli, keçmiş milli futbolçu Həsən Şaş, aktrisa Nilperi Şahinkaya və müğənni Sefo kimi tanınmış şəxslərin də olduğu 18 nəfər barəsində saxlanılma qərarı verilib.

Onlardan 15 nəfərin nəzarətə alındığı, saxlanılan şəxslərin isə tibbi müayinədən keçirildiyi bildirilib.

Haqqında qərar verilən şəxslər arasında Aras Bulut İynemli, Melis Sezen, Nilperi Şahinkaya, Melisa Şenolsun, Afra Saraçoğlu, Sefo, Hande Demir, Həsən Şaş, Melis İşiten, Aydan Osmanlı, Anıl Durmuş, Muhammet Kahyaoğlu, Aytaç Kart, Sayat Zurnacı, Eyüpcan Pırlanta və Rıfat Atlı da var.

Aktrisa Afra Saraçoğlu isə sosial media hesabında xaricdə işgüzar səfərdə olduğunu və ifadə vermək üçün ən qısa zamanda Türkiyəyə qayıdacağını açıqlayıb.

Bundan başqa, Bakırköy Respublika Baş Prokurorluğunun narkotik istifadəsi, təchizat və fahişəliklə bağlı apardığı digər istintaq çərçivəsində daha 6 şübhəli haqqında qərar verilib. Beləliklə, iki ayrı istintaq üzrə ümumilikdə 24 nəfər barəsində saxlanılma qərarı olduğu bildirilir.

Saxlanılan şəxslərin tibbi müayinədən keçirilməsindən sonra ifadələrinin alınması üçün prokurorluğa aparılacağı qeyd olunur.

Milli.Az