Şou-biznes

Britni Spirs: "Mənimlə qul kimi rəftar edirdilər"

3 Noyabr 2026 09:30

Baxış: 576

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #HOLLYWOOD #MÜĞƏNNİ

Amerikalı müğənni Britni Spirs ailə üzvləri və keçmiş həyat yoldaşı Kevin Federlaynla bağlı növbəti dəfə diqqətçəkən açıqlamalar verib.

Milli.Az xəbər verir ki, ifaçı şəxsi hesabında paylaşım edərək bacısı Ceymi Linn və keçmiş əri haqqında ağır ittihamlar səsləndirib. O, ailə üzvlərinin uzun müddət onunla kobud davrandığını, hətta arxasınca gizli işlər çevirdiklərini iddia edib.

Britni Spirs bacısının ona kiçik bacısı qızı Ayvini qucağına almağa imkan vermədiyini, Kevin Federlaynın isə ayaqyolundan istifadə etməsinə mane olduğunu bildirib.

Müğənni yaşadıqlarını belə ifadə edib:

"Mənimlə qul kimi rəftar edirdilər, arxamca çoxlu sirləri var idi. Mənim isə bu vaxta qədər etdiyim tək şey atam üçün işləmək idi! Mən özümə yeni ailə tapacağam".

Qeyd edək ki, Britni Spirs oktyabrın ortalarında da anası Linn və atası Ceymiyə qarşı hələ də incik olduğunu açıqlamışdı. Müğənni atasını uzun müddət onun həyatına nəzarət etməkdə günahlandırıb.

Bundan əvvəl də ifaçı sosial şəbəkədəki paylaşımında atası Ceymi Spirsin səhhətindəki problemlərlə onun həyatına nəzarət etdiyi dövr arasında paralellər aparmışdı.

Müəllif: Tural Hüseyn (Milli.Az redaktor)