Dünya

149 il sonra “Meqa El Nino” təhlükəsi: Alimdən 2027-ci il üçün xəbərdarlıq

18 Sentyabr 2026 18:00

Baxış: 120

VTB-də minimal faiz dərəcəsi ilə nağd kredit 9.9%-dən

#DÜNYADA

Türkiyəli alim 2027-ci ildə "Meqa El Nino"nun təsirlərinin hiss oluna biləcəyini və xüsusilə yağıntıların artmasının gözlənildiyini açıqlayıb.

Milli.Az xəbər verir ki, Türkiyə Elmlər Akademiyasının (TÜBA) Ətraf Mühit, Biomüxtəliflik və İqlim Dəyişikliyi İşçi Qrupunun üzvü, professor Dr. Doğan Yaşar 2026-cı ilin ilk altı ayında Türkiyədə yağıntı rekordlarının qeydə alındığını bildirib.

Alimin sözlərinə görə, "Meqa El Nino" ilə əlaqəli yağıntıların 2027-ci ildə də təsirli olacağı gözlənilir. Yaşar bu hadisənin sonuncu dəfə təxminən 1877-ci ildə müşahidə edildiyini qeyd edib.

O bildirib ki, okean sularının temperaturunun 1 dərəcə ətrafında artması "El Nino", 1-2 dərəcə yüksəlməsi "Super El Nino", 2 dərəcədən çox artması isə "Meqa El Nino" adlandırılır.

Yaşarın sözlərinə görə, Ümumdünya Meteorologiya Təşkilatının "Meqa El Nino" ilə bağlı ehtimal göstəricisi 90 faizə yüksəlib. Alim oktyabr ayının ikinci yarısından etibarən Türkiyə və Avropada intensiv yağıntıların müşahidə oluna biləcəyini, qarşıdakı qışın isə mülayim keçəcəyini proqnozlaşdırıb.

Müəllif: Nərmin Mahmudova (Milli.Az müxbir)