Cəmiyyət

Azərbaycanda pensiyalar 10,3 faiz artdı

18 Noyabr 2026 10:26
Baxış: 318
VTB-də minimal faiz dərəcəsi ilə nağd kredit 9.9%-dən

2026-cı il oktyabrın 1-i vəziyyətinə Azərbaycanda Dövlət Sosial Müdafiə Fondunda 1 milyon 94,2 min pensiyaçı qeydiyyatda olub.

Bu barədə Dövlət Statistika Komitəsinin məlumatında qeyd olunub.

Məlumata görə, pensiyaçıların sayı ötən ilin müvafiq dövrü ilə müqayisədə azalıb. Belə ki, 2025-ci il oktyabrın 1-də ölkədə 1 milyon 100 min pensiyaçı qeydə alınmışdı.

Hazırda pensiyaçılar ölkə əhalisinin 10,6 faizini təşkil edir.

Təyin olunmuş aylıq pensiyaların orta məbləği ötən ilin müvafiq dövrü ilə müqayisədə 10,3 faiz artaraq 595,8 manat təşkil edib. Orta aylıq pensiya orta aylıq əməkhaqqının 50,8 faizinə bərabər olub.

Müəllif: Malik Məlikov (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.