Ağ ya da qırmızı deyilmiş: Ən sağlam soğan məlum oldu

Mətbəxlərdə demək olar ki, hər gün istifadə edilən soğanın müxtəlif növləri arasında aparılan müqayisədə diqqətçəkən nəticə ortaya çıxıb. Arpacıq soğan ehtiva etdiyi faydalı bitki birləşmələri və güclü antioksidant quruluşu ilə ağ, sarı, qırmızı və şirin soğanı qabaqlayıb.

Milli.Az xəbər verir ki, soğan növlərinin qida xüsusiyyətlərini müqayisə edən araşdırmada arpacıq soğanın xüsusilə bədəni hüceyrə zədələnməsinə qarşı qorumağa kömək edən təbii birləşmələr baxımından olduqca zəngin olduğu müəyyən edilib. Qırmızı soğan da güclü seçimlərdən biri olsa da, arpacıq soğan ümumi nəticələrdə birinci sıraya çıxıb.

Arpacıq soğan adi soğana nisbətən daha kiçik olması və adətən bir neçə hissədən ibarət olması ilə asanlıqla seçilir. Ölkəmizdə də marketlərdə və bazarlarda tapılan bu soğan növü xüsusilə yeməklərdə, souslarda və turşularda tez-tez istifadə olunur. Araşdırmada arpacıq soğanın antioksidant tutumunun ağ, sarı və qırmızı soğandan daha yüksək olduğu sübut edilib. Bunun ən mühüm səbəblərindən biri bitkilərdə təbii olaraq mövcud olan və hüceyrələri zərərli təsirlərdən qorumağa kömək edən birləşmələri daha qatqılı/sıx şəkildə ehtiva etməsidir. Soğanda olan kversetin (quercetin) kimi antioksidantlar da uzun müddətdir araşdırılır. Bu maddələrin bədəndəki oksidativ stresin azaldılmasına kömək edə biləcəyi və balanslı qidalanmanın bir hissəsi olaraq ürək-damar sağlamlığını dəstəkləyə biləcəyi qeyd olunur.

Qırmızı soğan da güclü seçimlərdəndir
Qırmızı soğan da antioksidantlar baxımından olduqca zəngindir. Qırmızı və bənövşəyi rəngini verən təbii birləşmələr səbəbindən xüsusilə ağ soğanla müqayisədə müəyyən üstünlüklərə malikdir. Lakin müxtəlif soğan növlərinin müqayisə olunduğu araşdırmada arpacıq soğan ümumi antioksidant tutumu baxımından birinci olub. 

Müəllif: Ülkər Vəliyeva (Milli.Az redaktor)