Dünya

Gürcüstanda kütləvi vaksinasiyaya başlanılır

2 İyul 2021 22:25
0 Şərh     Baxış: 909
VTB-də minimal faiz dərəcəsi ilə nağd kredit 10.49%-dən

İyulun 5-dən Gürcüstanda koronavirusa qarşı kütləvi vaksinasiyaya başlanılır.

Milli.Az AZƏRTAC-a istinadən bildirir ki, bu barədə Gürcüstanın Xəstəliklərə Nəzarət və İctimai Səhiyyə Milli Mərkəzinin rəhbəri Amiran Qamkrelidze məlumat verib.

Onun sözlərinə görə, ölkədə bunun üçün kifayət qədər vaksin ehtiyatı var.

Kütləvi vaksinasiya "Sinofarm" peyvəndi ilə başlanacaq. Bir neçə gündən sonra isə "Sinovak", "AstraZeneka" və "Pfizer" peyvəndləri ilə davam edəcək.

Mərkəzin rəhbəri gün ərzində 20-25 min insanın peyvənd olunacağına ümid etdiyini bildirib.

O deyib ki, bu minvalla dekabr ayında ölkənin yaşlı əhalisinin 60 faizdən çoxunun vaksinasiyasına nail olunacaq.

Qeyd edək ki, iyulun 1-nə olan statistik məlumata görə, Gürcüstanda 265 min 290 nəfər peyvənd olunub. Onların 103 min 170-i vaksinin hər iki dozasını qəbul edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.