Dünya

ABŞ ÜST-dən çıxacaq - Tramp elan etdi

21 Yanvar 2025 10:00
Baxış: 872
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #DONALD TRAMP

ABŞ Prezidenti Donald Tramp ikinci prezidentlik müddətinin ilk günündə ölkəsinin Ümumdünya Səhiyyə Təşkilatından (ÜST) çıxması ilə bağlı sərəncam imzalayıb.

Milli.Az xarici mediaya istinadla xəbər verir ki, Tramp ÜST-ü COVID-19 pandemiyasını və digər xəstəlikləri səhv idarə etməkdə ittiham edib.

Trampın sərəncamına əsasən, ABŞ 12 ay sonra ÜST-dən rəsmi olaraq çıxacaq və bu müddət ərzində təşkilata maliyyə töhfələrini dayandıracaq. Qeyd edək ki, ABŞ ÜST-ün ən böyük maliyyə dəstəkçisidir və onun ümumi maliyyəsinin təxminən 18%-ni təmin edir.

ÜST-ün 2024-2025-ci illər üçün büdcəsi isə 6,8 milyard dollar təşkil edir.

Xatırladaq ki, Donald Tramp 2020-ci ildə prezidentliyinin ilk müddətinin sonunda da ABŞ-ı ÜST-dən çıxarmışdı. Lakin bu qərar sonrakı prezident Co Bayden tərəfindən ləğv edilmiş və ABŞ təşkilata yenidən qoşulmuşdu. 

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.