PUL
.jpg)
.jpg)
Hindistan hökuməti Banqladeşlə sərhəddə yaşayan vətəndaşlarının təhlükəsizliyini təmin etmək və oradakı vəziyyətə nəzarət etmək üçün komitə yaradıb.
Milli.Az axar.az-a istinadən bildirir ki, bu barədə ölkənin daxili işlər naziri Amit Şah məlumat yayıb.
Onun sözlərinə görə, komitəyə Şərq Komandanlığının Sərhəd Təhlükəsizliyi Qüvvələri rəhbərlik edəcək.
"Hindistan vətəndaşlarının, etnik hindlilərin və orada yaşayan digər azlıqların təhlükəsizliyini təmin etmək üçün Banqladeşdəki səlahiyyətlilərlə əlaqə imkanları saxlayacaq", - Şah əlavə edib.
Xatırladaq ki, avqustun 5-də tələbələrin hökumət əleyhinə kütləvi etirazları fonunda Banqladeşin Baş naziri Şeyx Hasina istefa verərək, ölkəni tərk edib. Onun gedişindən sonra iğtişaş ölkəni bürüyüb. Dehli iğtişaşlardan sonra Banqladeşlə 445 kilometr sərhədi olan Meqalaya əyalətində komendant saatı tətbiq edib. Hindistan sərhəd qoşunları yüksək döyüş hazırlığına keçib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
