PUL
.jpg)
İtaliya polisi 33 hindistanlı miqrantı köləlikdən azad edib.
Milli.Az oxu.az-a istinadən bildirir ki, iki Hindistan vətəndaşı iş və rahat gələcək vəd edərək 33 həmyerlisini İtaliyaya göndərib. Amma əvəzində onlar cüzi əməkhaqqı müqabilində həftənin yeddi günü gündə 10 saatdan çox işləməyə məcbur ediliblər.
Hüquq-mühafizə orqanları miqrantları işlə təmin edəcəklərini vəd edərək onları köləliyə cəlb edən iki nəfəri saxlayıb. Saxlanılanların üzərində 500 min dollardan çox pul olduğu müəyyən edilib.
Qeyd olunur ki, İtaliya fermalarında həm italyanların, həm də miqrantların istismarı tez-tez rast gəlinən problemdir. Ölkədə minlərlə insan tarlalarda, üzüm bağlarında və istixanalarda çox vaxt müqaviləsiz və son dərəcə təhlükəli şəraitdə işləyir.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
